اخر الاخبار
حمودي وزيارة الريس معسووم لذي قار

حمودي وزيارة الريس معسووم لذي قار

حمودي وزيارة الريس معسووم لذي قار
___________________________
حمودي بن اخوي الزغير اللي أحبة كولش
خابرني اليوم ..
كللي عمو صدك الناصرية مقدمة دعوة للريس معسوم لزيارة المحافظة.
كتلة أي عمو وشكو بيههه.
كلي عمو بس منو يستقبلة المحافظ البعده ما انتخبوة ..لو المحافظ اللي أقالوه.
لو يستقبلة رئيس المجلس المقال … لو اللي راح ينتخبوة.
كتلهه حمودي بعدك زغير انته شعليك …. ليش دوخ راسك بهاي الأمور .
كللي عمو هاي الشغلة أأذكرني بواحد راح للمعلمة كللهه:
ست ليش تسمين ابني التلميذ عندك بالصف بالغبيي.
كللتله هسة أثبتلك :
صاحت التلميذ كللتله :ماما روح شوف انا بالإدارة لو لا
راح ورجع كلله ست أنتي مامو جوده بالإدارة .
كللتله روح تأكد شوفنى خاف بالساحه
هم راح ورجع كلة ست والله دورت الساحه كلهه وما لكيتك.
التفتت على أبو التلميذ وكال لتله ها مو كتلك أبنك غبي.
كلله ليش ست !!!يجوز أنتي اليوم مــــــــــــا جايهه.
كتلة حمودي سد الخط واحترم نفسك!!!!.كلشى ولا الحكومة المحلية

عن وكالة اينانا الدولية للاخبار

اضف رد